Vinnuheilsa | Vinnuvistfræði og vellíðan á vinnustöðum

VINNUHEILSA

LAUSN FYRIR STJÓRNENDUR

FYRIRTÆKJA OG STOFNANA

Fagleg þjónusta

Daglegur stuðningur

Betri vinnuheilsa

Vinnuheilsa býður fyrirtækjum og stofnunum fræðslu, vinnustaðaúttektir og stafræna veflausn fyrir daglegan stuðning.

Þjónustan hjálpar starfsfólki að tileinka sér betri vinnuvenjur og veitir mannauðsstjórum persónuverndaða yfirsýn, með það að markmiði að efla vellíðan og starfsgetu og draga úr stoðverkjum og veikindafjarvistum.

2004

Vinnuheilsa stofnuð

Allt landið
Á staðnum og á netinu

Sérsniðið
Að störfum og starfsstöðum

Stafræn veflausn Vinnuheilsu opnar í nóvember 2026

EKKI BARA FRÆÐSLA

Vinnuheilsa færir fræðsluna inn í starfið

Þjónustan er aðlöguð að þörfum hvers vinnustaðar. Ráðgjafi getur komið á staðinn og veitt verklega leiðsögn í raunverulegu vinnuumhverfi, eða fræðslan farið fram með fyrirlestri í gegnum Teams og stafrænu fræðsluefni.

Í nóvember 2026 getur starfsfólk fengið persónulega eftirfylgni frá "Freyju" í veflausn Vinnuheilsu, valið sjálft hvaða atriði það vill vinna með og fengið reglulega hvatningu. Þannig nýtist fræðslan lengur og meiri líkur eru á að hún verði hluti af daglegum venjum.

FYRIR HVERJA?

Ólík störf.
Ólíkar lausnir.

Hver fræðsluleið er aðlöguð að verkefnum, álagi, búnaði og vinnuumhverfi viðkomandi starfshóps.

45 MÍNÚTNA FYRIRLESTUR Í BEINNI Á TEAMS

BYRJUM
HAUSTIÐ VEL

Fyrir mannauðsstjóra sem vilja styðja við heilsu og vellíðan starfsfólks hvort sem vinnudagurinn fer fram við tölvu eða í krefjandi verklegri vinnu.

Ásgerður Guðmundsdóttir, sjúkraþjálfari, leiðir hagnýtan fyrirlestur um líkamsbeitingu, vinnuaðstöðu, hreyfingu, streitustjórnun og örhlé.

Starfsfólkið fær einföld ráð sem nýtast strax hvort sem það er á vinnustaðnum eða í fjarvinnu um allt land.

Innifalið:
✓ Fyrirlestur í beinni á
✓ Upprifjunarhefti fyrir starfsfólk

Aukakostur:
✓ Upptaka af fyrirlestrinum

Fyrirlesturinn fer fram í gegnum Microsoft Teams.
Eftir bókun stofnar vinnustaðurinn Teams-fund á sínum eigin reikningi og sendir fundarboðið á vinnuheilsa@vinnuheilsa.is

Þannig getur vinnustaðurinn boðið öllu starfsfólki á fundinn með sínum venjulegu boðsleiðum og aðgangsstillingum. Vinnuheilsa tengist síðan fundinum sem fyrirlesari.

BÓKA FYRIRLESTUR

ÞJÓNUSTA - SEM MÆTIR ÞÖRFUM VINNUSTAÐARINS

Á staðnum

Á skjánum

Alla daga

Vinnuheilsa mætir þörfum vinnustaðarins.
Finndu út þjónustuleið sem hentar á staðnum eða í fjarfræðslu og/eða með stuðningi Vinnuheilsa stafræn veflausn.

Fyrirlestrar og fræðsla

Hagnýt fræðsla sem hægt er að fá á vinnustað eða í fjarfundi og aðlaga að þörfum starfsfólks.

Veldu á milli þriggja viðfangsefna:

1. Rétt líkamsbeiting og vinnustellingar
2. Streitustjórnun
3. Heilsuefling á vinnustað

45 mínútur – eða 60 mínútur með spurningum og umræðum.

45 mín – eða 60 mín með spurningum og umræðum

1. Rétt líkamsbeiting og vinnustellingar

Fyrirlesturinn veitir þáttakendum hagnýta þekkingu á því hvernig góð líkamsbeiting og vinnustellingar geta stuðlað að betri líðan og dregið úr álagi og vinnutengdum óþægindum.

Efnið er aðlagað að ólíkum störfum, svo sem skrifstofuvinnu og hvers lags verklegri vinnu.

Farið er yfir algengar vinnustellingar og sýndar einfaldar leiðir til að laga vinnuumhverfi og vinnulag að líkamanum.

Þátttakendur fá einföld og hagnýt verkfæri sem hægt er að nýta strax í vinnudeginum, ásamt stuttum hléæfingum og leiðum til að auka fjölbreytni í vinnustellingum og draga úr einhæfu álagi.

45 mínútur – eða 60 mínútur með spurningum og umræðum

3. Heilsuefling á vinnustað

Hvetjandi og hagnýtur fyrirlestur sem eykur skilning á því hvernig daglegar venjur geta haft áhrif á heilsu, líðan og orku, bæði í vinnu og utan hennar.

Farið er yfir fjórar mikilvægar stoðir heilsueflingar:

hreyfingu, næringu, svefn og andlega vellíðan.

Þátttakendur fá innsýn í hvernig þessir þættir tengjast og hvernig litlar og raunhæfar breytingar geta smám saman stuðlað að betri líðan og aukinni orku í daglegu lífi.

Áhersla er lögð á einföld og hagnýt verkfæri sem hægt er að nýta strax, án þess að þurfa að gjörbreyta lífsstíl eða setja sér óraunhæf markmið.

Fyrirlesturinn hentar vel vinnustöðum sem vilja efla heilsulæsi, hvetja starfsfólk til að huga að eigin heilsu og byggja upp vinnustaðamenningu þar sem vellíðan og góðar venjur fá að njóta sín.

45 mínútur – eða 60 mínútur með spurningum og umræðum

2. Streitustjórnun

Fyrirlesturinn veitir þátttakendum aukinn skilning á streitu og áhrifum hennar á líðan, orku og frammistöðu í daglegu lífi og starfi.

Farið er yfir algengar orsakir streitu, helstu viðvörunarmerki langvarandi álags og hvernig hægt er að bregðast fyrr við áður en álag verður viðvarandi. Áhersla er lögð á hagnýtar leiðir til að skapa betra jafnvægi, styrkja seiglu og styðja við andlega vellíðan í krefjandi vinnuumhverfi.

Þátttakendur fá einföld og hagnýt verkfæri sem hægt er að nýta strax í vinnudeginum, meðal annars til að takast á við álag, setja heilbrigð mörk, skapa rými fyrir endurheimt og efla meðvitund um eigin líðan.

Fyrirlesturinn hentar jafnt starfsfólki sem stjórnendum og leggur áherslu á að litlar, raunhæfar breytingar í daglegum venjum geti skipt miklu máli til lengri tíma.

Leiðsögn þar sem vinnan fer fram á staðnum

Ráðgjafi Vinnuheilsu kemur á vinnustaðinn og vinnur með starfsfólki við raunverulegar vinnuaðstæður og verkefni dagsins.

Veldu þjónustu eftir eðli starfsins:

1. Verkleg leiðsögn – tölvuvinna

2. Verkleg leiðsögn – líkamlega krefjandi störf

Verkleg leiðsögn – tölvuvinna

Verkleg og hagnýt leiðsögn fyrir starfsfólk sem vinnur við tölvu og vill læra að stilla vinnustöðina þannig að hún styðji betur við góða líkamsbeitingu og þægilegar vinnustellingar.

Farið er yfir stillingar á stól, borði, skjá, lyklaborði og mús, ásamt staðsetningu búnaðar og einföldum leiðum til að skapa meiri fjölbreytni og hreyfingu yfir vinnudaginn.

Kennslan fer fram á vinnustaðnum og starfsfólk fær tækifæri til að stilla eigin vinnuaðstöðu samhliða leiðsögn ráðgjafa, prófa breytingarnar og spyrja spurninga.

Allt að 10 þátttakendur í einu – um 20 mínútur.

Þeir sem þess óska geta að lokinni hópleiðsögn fengið stutta einstaklingsyfirferð, um 3–5 mínútur, þar sem farið er sérstaklega yfir þeirra vinnustöð og þær stillingar eða úrbætur sem gætu hentað.

Verkleg leiðsögn – líkamlega krefjandi störf

Verkleg og hagnýt leiðsögn sem er sniðin að störfum þar sem líkamlegt álag er hluti af vinnudeginum.

Farið er yfir góða líkamsbeitingu og vinnubrögð við algeng verkefni, svo sem að lyfta, bera, ýta, toga og færa til hluti. Einnig er fjallað um einhæft álag, endurteknar hreyfingar og hvernig hægt er að nýta líkama, vinnuaðstöðu og hjálpartæki betur við dagleg störf.

Kennslan fer fram á vinnustaðnum og er tengd raunverulegum verkefnum starfsfólks. Ráðgjafi sýnir góð vinnubrögð, starfsfólk fær tækifæri til að prófa sjálft og spyrja spurninga.

Hentar fjölbreyttum líkamlega krefjandi störfum, meðal annars í framleiðslu, á lager, við ræstingar, umönnun og önnur verkleg störf.

Allt að 20 þátttakendur í einu – um 20–30 mínútur.

Vinnuheilsa – stafræn veflausn

Fræðsla og stuðningur sem fylgir starfsfólkinu inn í vinnudaginn.

1. Fræðsla og námsleiðir

2. Freyja™ – persónulegur stuðningur
Stafrænn leiðbeinandi sem styður starfsfólk með persónulegri fræðslu og stuðningi við betri venjur

3. Yfirsýn fyrir mannauð á persónuverndaðan hátt

Tilbúið í nóvember 2026.

Yfirsýn fyrir mannauð

Mannauður fær einfalda og persónuverndaða yfirsýn yfir þátttöku starfsfólks, framvindu og virkni innan vinnustaðarins.

Þannig verður auðveldara að sjá hvað hefur verið virkjað, hvernig fræðslan nýtist og hvar gæti verið gagnlegt að styðja betur við starfsfólkið , án aðgangs að einkasvörum eða persónulegum samskiptum einstaklinga.

Freyja™ – persónulegur stuðningur

Freyja™ er stafrænn leiðbeinandi Vinnuheilsu sem styður starfsfólk við að yfirfæra fræðsluna yfir í daglegt vinnulag.

Hún veitir persónulegan stuðning, hagnýtar ábendingar og hjálpar starfsfólki að byggja upp betri venjur – skref fyrir skref.

Persónuleg samskipti starfsmanns við Freyju™ eru ekki sýnileg mannauði.

VERÐVIÐMIÐ ÞJÓNUSTU

Skýrt umfang áður en við byrjum.

Verð byggist á fjölda starfsmanna, fyrirkomulagi og raunverulegum tíma á vinnustað.

NÆSTA SKREF

Segðu okkur frá vinnustaðnum.

Vinnuheilsa aðstoðar þig við að finna rétta samsetningu af þjónustu og stafrænum stuðningi. Óskaðu eftir verðtilboði.

Veflausn

NÝTT FRÁ VINNUHEILSU

Daglegur stuðningur.
Örugg yfirsýn.
Ein ákrift.

Með áskrift að stafrænni veflausn Vinnuheilsu fær starfsfólk aðgang að fræðslu, persónulegum stuðningi Freyju™ og hagnýtum verkfærum til að byggja upp betri venjur.

Mannauður getur virkjað fræðslu og fylgst með þátttöku og framvindu, án aðgangs að einkasvörum starfsfólks.

Þróunarteymi Vinnuheilsu verður tilbúið með aðgengi að veflausn fyrir mannauðsstjóra í nóvember 2026.
Skráðu vinnustaðinn þinn á lista og fáðu upplýsingar um áskriftarleiðir og opnun.

SKRÁ ÁHUGA Á VEFLAUSNINNI HÉR