Ásgerður Guðmundsdóttir, framkvæmdastjóri Vinnuheilsu, menntaður sjúkraþjálfari, íþróttakennari og jógakennari og hefur lokið diplómanámi í jákvæðri sálfræði.
 

Vinnuheilsa nýtur krafta fagmenntaðra ráðgjafa og verktaka úr ólíkum heilbrigðisstéttum, þar á meðal sjúkraþjálfara, iðjuþjálfa, kírópraktor og sálfræðing, sem og þróunarteymi sem sér um hönnun á stafrænni veflausn.
 

Vinnuheilsa ehf. var stofnuð árið 2004 og hefur frá upphafi veitt fyrirtækjum og stofnunum faglega þjónustu á sviði vinnuvistfræði, heilsueflingar og forvarna.

Þjónustan felur meðal annars í sér vinnustaðaúttektir, einstaklingsmiðaða ráðgjöf, sérsniðna fræðslu og verklega leiðsögn í raunverulegu vinnuumhverfi.

 

Markmiðið er að veita mannauðsstjórum þjónustu og faglegar lausnir við að skapa heilbrigðara og öruggara starfsumhverfi, efla starfsgetu og vellíðan og draga úr líkum á stoðverkjum og veikindafjarvistum.